سياسة
من أزيلال:الزعيمة المنصوري وفوزي لقجع في لقاء مع ساكنة أزيلال
من أزيلال:الزعيمة المنصوري وفوزي لقجع في لقاء مع ساكنة أزيلال
اليوم جات الزعيمة المنصوري فاطمة الزهراء المنصوري المنسقة الوطنية للقيادة الجماعية للأمانة العامة لحزب الأصالة و المعاصرة وجا معاها مهندس كرة القدم المغربية لي مشا بالكرة المغربية بعيد سي فوزي القجع وسي سمير كودار رئيس قطب التنظيم للحزب وسي عبد الرحمان وافا والغني عن التعريف مولاي هشام المهاجري وشخصيات سياسية أخرى.
جاو لأزيلال باش يعقدو لقاء تواصلي مع الساكنة ومناضلي الحزب حيث كان في استقبالهم رئيس جهة بني ملال خنيفرة عادل بركات ورئيس جماعة أزيلال بدر الدين ناجح فوزي مرشح دائرة بزو واويزغت وهاذ اللقاء كان فرصة باش يتلاقاو الساكنة والمنتخبين المنتمين للحزب و يسمعو ليهم مباشرة، ويعرفو شنو كيشغلهم وشنو كيتسناو مستقبلا. الخطابات ديال الزعيمة ولقجع وجميع المتدخلين كانو جد مركزين.
المهم فهادشي ملو هو حضور ديال
المواطنين، و النقاش لي كان مفتوح على عدد من القضايا اللي كتهم الحياة اليومية ديال الساكنة، وعلى المشاكل والحلول اللي كيعتابروها أولوية فالإقليم.
أزيلال ماشي غير اسم على خريطة، وإنما ساكنة عندها طموحات وهموم. شباب كيقلب على راسو، أسر بغات تعيش فظروف أحسن، وناس باغين يشوفو التنمية توصل حتى لذاك الدوار فأعلى قمة الحبل وتكون نتائج ملموسة فحياتهم اليومية.
هذا هو الدور الحقيقي ديال هاد اللقاءات المباشرة، المسؤول جالس مع المواطن وجها لوجه وكا يهضر بلا وساطة والمسؤول تيسمع ليه هنا تايبان معنى التواصل السياسي.
واللقاء كان مناسبة باش تلاقاو القيادة الحزبية والمنتخبين والمناضلين المحليين مع الزعيمة بنت الصالحين وسي لقجع، وهنا تايقومو المسؤولين الحزبيين، رؤساء الجماعات والإقليم والمنتخبين أولاد الحزب، بعرض القضايا اللي كتهم الإقليم، ويقربو المسؤولين من الواقع والإنتظارات ديال الساكنة.
الكل تيعرف بأن أغلبية الجماعات فالإقليم هي ” “بامية” مسيرة من طرف حزب الأصالة والمعاصرة “حزب الجرار” وهادي علامة من علامات نجاح البام فالجهة.
علاش هاد العدد الكبير من الساكنة اختارو “الجرار”؟
أولا لأن المنتخبين ديال البام فأزيلال معروفين بالنزول للميدان، كيدورو فالدواوير و الجبال وكيسمعو للمشاكل ديال الناس مباشرة، ماشي غير وقت الانتخابات.
ثانيا المنتخبين دايرين خدمة نقية على الملفات ديال المنطقة والجماعات لي مسيرها البام خدامة على فك العزلة وربط الدواوير بالطرقان
والماء الصالح للشرب فالمناطق الجبلية
مع دعم الفلاحة والسياحة الجبلية لي هما أهم حاجة فأزيلال.
فاطمة الزهراء المنصوري كلاشات الخصوم السياسيين اللي يالاه بغاو تيبانو دابا، وقالت ليهم: “فين كنتوا نهار ضرب الزلزال؟”، مؤكدة باللي الخدمة السياسية تتكون فـوقت الشدة ماشي غير فـ وقت الإنتخابات.
وقالت باللي قوة وزراء ومسؤولي “البام” كايجيبوها من الثقة ديال الشعب اللي صوّت عليهم ماشي من المناصب الرسمية وقالت للناس باللي البام هو الحزب الوحيد اللي باقي ما حكمش كحزب أول في البلاد، وهادشي كيعطيه فرصة باش يجيب أفكار وحلول جديدة ومغا
وتكلمات حتى على تنمية العالم القروي و على برنامج “المراكز الصاعدة” اللي انطلق من جهة بني ملال-خنيفرة (وبالضبط من منطقة بزو)، كدليل على الإهتمام بنواحي والقرى باش تنقص الفوارق بين المدن والبادية.
وبالمناسبة قامت الزعيمة بنت الصالحين بتقديم وكيلة اللائحة الجهوية لحزب الجرار بالجهة سارة أمحزون الفلاحة لي عارفا بحق المسكين والفلاح الصغير. وقالت المنصوري:” بغيتكم ديرو تحية خاصة لبنتكم بنت زيان لأن الا دعمتو المرأة دعمتو مواتكم ودعمتو بناتكم ماعمركوم تنساو اش عطات المرأة المغربية لهاد البلاد عطات رجال ونساء…..سارة أمحزون فلاحة لأن لا فلاحة بدون امرأة”
والرسالة ديال لقجع كانت واضحة لساكنة أزيلال: “عطيتونا الأغلبية فالجماعات…يالاه فـ 23 شتنبر عطيونا الفرصة باش نكملو على نفس النهج فالبرلمان والحكومة ونزيدو نجيبو أكثر لأزيلال”.
فعلا البام عندو قاعدة انتخابية وأغلبية مريحة في العديد من الجماعات الترابية التابعة لإقليم أزيلال، داكشي علاش طلب لقجع الساكنة باش تجدد الثقة وتعطي أصواتها لمرشحي الجرار في الإنتخابات البرلمانية باش اكون التنسيق ساهل بين التدبير المحلي والعمل الحكومي والتشريعي.
ولقجع واعد بلي أصوات الساكنة لصالح المرشحين ديال الحزب في البرلمان هاذي يساهمو في “جلب المزيد” من المشاريع وفك العزلة ومحاربة الفوارق المجالية في أزيلال والمناطق الجبلية، بدعم مالي مباشر تعهد به الحزب عبر خطته الممتدة لأفق 2031.
أزيلال راها معقل ديال “الجرار” حيت الناس معتارفين بالخدمة لي دارو المنتخبين ديال الحزب. والهدف دابا هو تكون هاد الأغلبية ديال الجماعات فالإنتخابات البرلمانية الجاية.
للتذكير المرشحين ديال البام هما: بدر الدين ناجح فوزي رئيس المجلس الجماعي لأزيلال بدائرة بزو واويزغت ومحمد أيت بنعلي فاعل اقتصادي بدائرة دمنات أزيلال.
