مولاي هشام المهاجري:صوت لاينطفئ من أجل إيصال هموم الساكنة

0 3

ملي كانذكرو سميت مولاي هشام المهاجري المنتمي حزب الأصالة والمعاصرة (PAM) وواحد من الأسس ديال الحزب، تاتجي قدامنا صورة ديال البرلماني الصنديد لي دائما حامل هموم المغاربة حتى النخاع البرلماني المشاكس(لي ماكيتفاكش)…لجوج وملحاح باش يوصل صوت المواطن وهمومه.وراه معروف عند السياسيين بالتدخلات الجريئة والسخونة.

المهاجري لي تانشوفوه خلال جلسات تلبرلمان يتكلم بحرقة للترافع عن المشاكل لي تتهم المغاربة، راه هو البرلماني لي تيمشي عند المواطن حتى لراس الجبل باش اعرف المشاكل لي تيعيشها ذلك المواطن وينقلها لقبة البرلمان. تايعيش المشكل مع المواطن قبل مايوصلو للبرلمان.

المهاجري الإبن البار لإقليم شيشاوة، وأغلب المداخلات ديالو على الملفات الإجتماعية تتدور حول الصحة تشوفوه ديما تيركز فـ البرلمان على الخصاص لي كاين فـ الأطباء والممرضين فـ السبيطارات والمراكز الصحية القروية ديال الإقليم.

تانشوفوه كيتكلم بزاف على الما وفك العزلة عن المناطق النائية خصوصا مع سنوات الجفاف لذلك ركز الإهتمام ديالو حول حفر الآبار ( أنو باللغة الأمازيغية) وهاد الكلمة سمعتها اليوم فواحد الفيديو ديالو حيث عطى النمرة ديال التليفون ديالو للناس وقال بالحرف” يمكن ترجعو للفيديوهات المداخلات ديالي راه مكاينش شي ملف لي كيضر الساكنة وماهضرناش عليه..وباش نقول ليك واش حققنا كلشي مستحيل ولكن باش يقول مادرنا والو راه مايمكنش…)

الهدف ديالو يوصل الماء الصالح للشرب للدواوير، ويتصاوبو الطرق فـ المناطق الجبلية باش تفك العزلة وتسهال الأمور عند الساكنة.

akhbarmarrakechمنذ 15 دقيقة

0 3