أخبار مراكشمجتمعمراكش
مراكش…إغلاق مقاهي الشيشا عائلات تشردت
مراكش...إغلاق مقاهي الشيشا أم المعسل المهرب عائلات تضررت بفعل إغلاق بعض المقاهي
حملات هنا وهناك على محلات تقدم خدمة الشيشا وغرامات كبيرة على مجموعة من المقاهي أو مطاعم طالتها الحملة “فلوس كحلة” لي غادي يخلصوها هاد صحاب المقاهي والمطاعم الكل مع تطبيق القانون.
غير هو السؤال لي تيتعاود عند صحاب القهاوي والمطاعم واش الحملة شملت مراكش كلو ولا غير جليز.
كايننين خبيرات تايقولو بأن مناطق أخرى فمراكش ماتسمع غير ” هات الشيشة يامعلم” ناس تيبخو فعدة أماكن تقدم خدمات الشيشة ولاحسيب ولا رقيب.
إذا عمت هانت ولكن باش تسمع شي خدام ولاخر ممنوع هنا تيبقى السؤال المطروح واش غير جليز لي كاين فمراكش.
شحال من أسرة معرضة للتشرد بسبب الإغلاق الذي طال عدة مقاهي لذا خاص نلقاو حل وسط باش نعتقو مايمكن إنقاذه. راه مجموعة من العائلات مضرورة بزاف والله إكون فلعوان. حنا ماتندفعو على الشيشة ولكن بغينا نسلطو الضوء على العمال المساكين لي تشردو وعار كل العار أن يتضرر مواطنون من جراء هذه الحملات وعاهل البلاد نصره الله تيوصي ديما خيرا برعاياه.
شوفو حل لهذه المعضلة بتقنين الشيشة وفرض ضرائب قانونية على المعسل ومراقبة لصيقة عن طريقة التزود بهذه المادة. الشيشة راها بحال السجائر نحاربو المواد المهربة والحل هادي يكون.
خلاصة القول راه كاينين محلات خدامة والله أعلم كيدارت ليها وهذا يحز في القلب راه ريال ديال جاوي تيبخر مراكش وعلاش البخور ماوصلش للسلطات المختصة.
