محمد طماوي
إلى جينا نذاكرو بيناتنا ونهضرو على المساء لي داخلين السياسة وحمامين البلاد خذي نختبرها فاطمة الزهراء المنصوري علاش…
واحد…هي وزيرة الإسكان والتعمير وسياسة المدينة
المدينة وكيف تنعارفو مراكش تتعاني من مشاكل كثيرة فالسكن والسكن العشوائي والديور لي طاحو بالزلزال ولا لي غديين اطيحو والمدينة القديمة فيها بزاف بحال هاد الديور.
ومانساوش برنامج الدعم المباشر للسكن أطلقاتو فاطمة الزهراء المنصوري، الوزيرة بـتوجيهات ملكية سامية. باش يتمكنوا المغاربة وبالخصوص متوسطي يملكو سكن لائق ويخرجو من ديور الكرا
جوج : المنصوري عمدة مراكش
فمراكش عمدة مراكش للمرة الثانية كتعرف مراكش زنقة زنقة درب بدرب وحتى الصابات
ونزيدكم الناس كايبغيوها حيت بنت الصالحين تتسارى المدينة القديمة وعارفاها بحال جيبها. عارفة فين كاينة المشاكل واشنو خاص يتصلح.
وراها دارت خدمة نقية فمراكش الشوارع توسعوا) علال الفاسي شارع مولاي عبد الله….) المساحات الخضراء ، النظافة، النقل (طوبيسات جداد.) الأنفاق بحال الرونبوان العياشي لكان فيها مشكل كبير ديال المرور ونفق دوار ازيكي كذلك ومثال…وزيد وزيد.
ثلاثة… المنصوري بنت المدينة والناس عارفينها مزيان
المنصوري عندها عائلات كثيرة فالمدينة عزيزة عليهم. مقربة منهم بنت الصالحين تايحترموها ماشي حيث وزيرة ولاعمدة بل حيت هي بنت المدينة تربات فحي قديم وسط المساكين وعارفا بحقهم.
المنصوري مرشحة فالمدينة سيدي يوسف بن علي تسلطانت هذه أحياء عارفاها مزيان وناسها تيعرفوها مزيان. وتجربة المنصوري غادي تنفع المراكشيين ماشي نتسناو واحد ما عارف والو على مراكش والتجربة ديالو قليلة وهادشي تيخلي المنصوري المرشحة الأنسب والأفضل.
وأخيرا راها قالت واحد الكلمة كبيرة :”مراكش أمانة في عنقي، وسأبذل جهدي لجعلها أجمل مدن المغرب والعالم..” وهذا راه هذا بمثابة عهد وميثاق غليظ والتزام شخصي وسياسي عطاتو ” المراكشية” للمدينة وللساكنة.