خير وسلام لو فعلا تم إعفاء والي جهة مراكش فريد شوراق من مهامه اليوم لأسباب تدخل في اختصاصات مسؤولي وزارة الداخلية.
غذا ، خير وسلام، ستطل علينا مجموعة من الصفحات وممثلي بعض المنابر يذكرون بالمناقب ويستنكرون الإعفاء لأسباب “لا يعرفها إلا يعقوب”.
العزاية هاذي ينذبو حظهم: يافرحة مادات” كي تقول المثل عند خوتنا المصريين، راه هاذي هي الدنيا طالع هابط بلا ماتحزنو.
مراكش بغات مسؤول،سواء كان الوالي المعفى أو والي جديد، يخدم شوارعها، ملاعبها، حدائقها ، وزيد وزيد، ماشي لعكر على الخنونة بحال ديك نهار بغاو اقلدو الرباط فالمدارات ديالها تبارك الله صبغو بجيلاتين حمرا جات الشتا ورقات كلشي وزيد وزيد جليز دارو ليه زليج لي عثر وطاح مشا لسبيطار كون غير خلاو لقديم كان أحسن. المدينة القديمة ” الملاح مثلا” عايش على نتا وزهرك كل نهار دار رابت والناس عايشة خايفة…..
هادي يبقا فيا غير واحد السيد نشر مقال اليوم يذكر فيه ” المنجزات” عن أي منجزات تتحدث صديقي. مراكش تستحق أكثر..هاذ شي راه غير خير وسلام و”دفل فشونك يرجع ليك لونك”.
ديما خير وسلام الا كان فعلا تعين السيد بن شيخي واليا بالنيابة بلاصت الدكتور شوراق نتمناو، من السيد البوشيخي لي تايعرف مراكش مزيان نظرا لتقلده منصب مدير بالشركة المتعددة الخدمات لاراديما سابقا، يعطي الأولوية لبزاف ديال الحوايج وأهل مكة أدرى بشعابها. نتمنى له التوفيق.
ديما خير وسلام تافضنة فالمنام هي الحمام مثل مراكشي سمعتو كثير والله ماعرفت المعنى ديالو تحية صحافية