مراكش الحمراء…مشاريع متعثرة والمسؤولون في سبات عميق ( مشا مسؤول إجي أخر )

طاحت واحد الدار فالملاح ولولا الألطاف الإلهية كان هاذي يموت فيها واحد السيد.

الدار طاحت ودازت مدة ولا وأحد من السلطة المحلية جا اوقف على الحالة ديال السكان ويأمن المكان…. على حد قول أحد السكان. المسؤولين تعبان غير فالانتخابات.

المنازل تتهاوى بالملاح وحدة مورا وحدة وعوض ما نشوفو الحل ونطالب بحلول جدرية جالسين تنبكيو ونوحو على الوالي لي تعفا من المنصب ديالو.

مشا مسؤول إجي أخر والمهم هو شكون لي بغا يخدم هاذ المدينة العزيزة خاصها مسؤول لي يوقف على المشاريع وتبعها.

الملاح بتاريخه العريق، خاصو العناية لامن الناحية العمرانية ولا من الناحية الإجتماعية والأمنية، خاص حملات أمنية مكثفة لتجفيف منابع مجموعة من الشوائب في الحي الذي لاينام.

مراكش كلها حفاري طوبيسات تايعقلو على جد النمل ملي كان عتروس واحد جليز ولا بحال الا قراوها فالناس حسيفة شي زليج يالطيف، الأشغال متعثرة، الغبار، وزيد وزيد ناهيك على الشوارع مابقات قادة على هاد الكم الكبير ديال الزوار، الأزبال، الكلاب الضالة…

جامع الفنا ترونات، الغبارية فكل مكان، خاص مسؤول صارم، مسؤول يجري على الذبان لي كيقلب يتصور وسلم ويوقف على الخدمة. شي أشباه الصوحافيين ميعو الفيسبوك قبل ومن بعد إعفاء الوالي.

بعضهم بغا اسكت ليه القلب ماشافوا نعاس لمدة ثلاثة أيام، عوض انقلوا معاناة وأخبار الساكنة، تايتسناو عصا سحرية ترد الوالي لمراكش… في انتظار “godot”.